Ризикот од појава на рак на желудник се зголемува со возраста, најмногу кај луѓе постари од 55 години. Покрај генетиката и начинот на живот, се чини дека ризикот од развој на оваа болест се зголемува доколку имате одредена крвна група.
Според податоците, само во Америка годишно се дијагностицираат околу 26.000 нови случаи на рак на желудник, а иако до неодамна беше водечка причина за смрт во Америка, ситуацијата е променета така што сега секоја година има околу 11.000 смртни случаи од оваа болест. Научниците сметаат дека луѓето сфатиле дека е неопходно да се јаде многу помалку солена и пржена храна, а токму тоа го прават. Бактеријата Helicobacter pylori предизвикува инфекција која е честа причина за појава на рак на желудникот, а се чини дека почесто се јавува кај одредени крвни групи. Стручњаците откриваат за која група станува збор и кога е време за посета на лекар.
ОВИЕ ФАКТОРИ МОЖЕ ДА ГО ЗГОЛЕМАТ РИЗИКОТ ОД РАЗВОЈ НА РАК ЖЕЛУДНИК
Ракот на желудникот се јавува кога клетките во желудникот почнуваат да формираат туморска маса. Позитивна семејна историја, хронична стомачна болест или некој од ризик факторите или симптоми кои можат да бидат поврзани со рак на желудник бараат превентивен преглед во консултација со лекар. Некои болести и состојби исто така можат да го зголемат ризикот од развој на овој малигнитет, а меѓу нив е и инфекцијата со бактеријата Helicobacter pylori, која предизвикува појава на чир. Долготрајното воспаление на слузницата на желудникот, долготрајната анемија или полипи во желудникот исто така го зголемуваат ризикот од болеста.
Одредени животни навики исто така можат да имаат влијание, а секако тука е важна и исхраната. Солената, пржена, храна богата со хемиски соединенија може да придонесе за развој на рак на желудникот, исто како и прекумерното пушење и пиење алкохол.
АКО ЈА ИМАТЕ ОВАА КРВНА ГРУОА, РИЗИК ОД РАК НА ЖЕЛУДНИКОТ СЕ ЗГОЛЕМУВА
Уште една работа носи генетиката, а тоа е крвната група и токму таа може да влијае на тоа колкав е ризикот од развој на оваа болест кај вас.
“Ракот на желудникот се јавува почесто кај луѓе со крвна група А“, велат експертите од Клиниката Кливленд. Иако оваа врска била забележана уште во 1950-тите, научниците сè уште се обидуваат да ја разберат природата на оваа врска.
Некои сметаат дека оваа одредена крвна група е поврзана со почести инфекции со бактеријата H. Pylori. “Нашата студија заклучи дека постои малку зголемен ризик од развој на рак на желудникот кај луѓето со крвна група А, а исто така тие се поподложни на инфекција со споменатата бактерија. Нешто помал ризик од рак на желудникот е забележан и кај луѓето со група 0 “, се вели во резултатите од студијата.
КОИ СЕ СИМПТОМИ НА РАК НА ЖЕЛУДНИКОТ?
Важно е да се познава ризикот, но ракот на желудник може да му се случи секому, па потребно е да се обрне внимание на симптомите:
- Лоша дигестија и жиговина
- Чувство на непријатност и болка во желудникот
- Мачнина и повраќање (со крв или без)
- Пролив или запек
- Надуеност по оброк
- Губење на апетитот
- Слабост и замор
- Крварење (крв во содржината од желудникот или во столицата)
- Ненадејно губење на телесна тежина
- Болка во стомачната шуплина
- Необјаснива нелагодност во стомакот, обично во делот над папокот
- Чувство на пренајаденост и по скромен оброк
- Отоци и собирање течности во делот на стомакот
- Анемија
КОГА ДА СЕ ПОСЕТИ ЛЕКАР?
Повеќето од овие симптоми може да се поврзат со други, побенигни состојби, како што се стомачен вирус или чир. Исто така, тие можат да се појават и како симптоми на некои други малигни заболувања. Без разлика, доколку забележите некој од горенаведените симптоми, но тие не исчезнуваат или се влошуваат, дефинитивно посетете го вашиот лекар.
