Во ек на глобална пандемија носењето заштитна маска стана еден вид на норма. Без неа не може да се влезе во продавница, јавен превоз или затворен простор во кој се наоѓаат повеќе лица. Ако ја носите доволно долго, веројатно ќе дојде момент и да ја извадите – ако не поради нешто друго, туку едноставно да одморите.
Проблемот е што со невнимателно вадење и тргање на маската, може да го пренесете вирусот и бактерии и со тоа да го загоризите вашето здравје. Еве како заштитната маска може да ја извадите на безбеден начин со кој ќе спречите контаминација, ќе ја зачувате нејзината можност за заштита и со тоа ќе допринесете за здравјето на заедницата.
-
Чиста маска е ефикасна маска
Добар почеток за ефикасна заштита со маската е спречување на контаминација на нејзиниот внатрешен дел, односно делот што доаѓа во контакт со лицето. „Заштитните маски се носат во близина на лицето, што значи дека честичките, бактериите и вирусите се вдишуваат одвнатре ако не се чисти“, рече Сангвеи Лу, професор на Одделот за инфективни болести и вакцинологија на Универзитетот Беркли о Калифорнија.
„Многу е важно маските за лице да бидат чисти за луѓето случајно да не се заразат со бактерии на нивната површина“.
-
Ја симнуваш маската? Обрни внимание на ова
За почеток, погледнете околу вас – ако сте на јавно место, тргнете ја само ако нема други луѓе околу вас. Ако сте во затворен простор, отстранете ја маската само ако сте дома или во посебни околности. Исто така, проверете дали вашите раце се чисти пред да ја извадите маската. Ако сте дошле дома од прошетка, работа или пазарување, измијте ги рацете пред да ја допрете маската. Ако сте надвор, добро решение е и дезинфекција.
-
Вадење на маската
Најчестиот начин да ја контаминирате маската е да ја допрете внатрешната, по допирање на надворешната страна. „Сè додека не ја допирате внатрешноста откако ќе го допрете надворешниот раб, често ги миете рацете и ги менувате маските – треба да бидете безбедни“, вели Лу.
Кога ја вадите маската од лицето, прво отстранете ги врвките околу ушите – не допирајте го предниот дел од маската. Потоа преклопете го така што внатрешниот дел е заштитен во преклопот.
Исто така, не повлекувајте ја маската преку брадата и не ја оставајте да ви виси над едното уво – внатрешноста може да биде изложена на нечистотија, а потоа да заврши на вашиот носот кога ќе одлучите повторно да ја ставите.
