За некои луѓе, за жал, карантинот и изолацијата не завршуваат по 10-тина дена, некои и поматаму имаат проблеми со последиците кои овааа болест ги остава, со недели, па дури и со месеци.
Директорот на Националниот институт за здравје од САД, д-р Францис Колинс, предупредува дека некои од последиците од оваа болест нема да исчезнат.
Симптомите на болеста кои се јавуваат и со месеци по дијагнозата, се нарекуваат “долг ковид“.
Колку луѓе во светот страдаат од последеиви се уште не е целосно јасно, но истражувањата потврдуваат дека едно од пет лица кои ја имале болеста, имаат симптоми и пет недели по дијагнозата. Кај едно од 10 лица тие ќе се задржат и до 12 недели или и подолго. Во почетната фаза на болеста, сериозните симптоми може да предизвикаат воспаление на белите дробови и респораторни проблеми, кои за последица може да имаат долгорочни последици. Но, не се рабори за болести на белите дробови, вирусот може да предизвика бројни компликации.
Д-р Колинс вели дека “лицата кои и по неколку месеци од опоравување имаат симптоми, не се на пат да им биде подобро во следните неколку месеци и тоа може да се развие во хронична болест“.
Тој истакнува дека КОВИД-19 сам по себе е тешко искуство, но сигурно секој пациент помислува дека ако оздрави, веќе на да има проблеми. Но, сега кога дознавме како всушност стојат работите, вели д-р Колинс, вистината може да биде сурова. “Долгиот КОВИД-19 се опишува како уште еден тежок товар на кој не сметавме“.
ЗОШТО СЕ ЈАВУВА “ДОЛГ КОВИД“?
Д-р Колинс наведува дека и натаму стручњаците се трудат да сфатат како овој вирус може да предизвика така долготрајна болест и зошто некои луѓе не опоравуваат кога би требало.
“Што е во прашање? Се работи ли за штета која вирусот ја нанесува на имуниот систем? Навистина не знаеме“, додава тој.
Она што најмногу збунува е фактот дека кај некои лица симптомите се јавуваат недели подоцна, додека некои ги чувствуваат веднаш. Целта е секако да се индентификува причината за може лужето да се излекуваат. Но, лекарот потенцира дека ако се работи за проблеми со мозокот, резултатите не изгледаат ветувачки, оти, иако дел од штетата може да се санира, не може во целост.
Додека пријавените симптоми се бројни, некои од нив почесто се појавуваат. Според експертите од Универзитетот во Калифорнија, некои од најпознатите симптоми на долгиот КОВИД-19, се кашлица, замор, болки во телото и во зглобовите, губење на осетот за мирис и вкус, главоболки.
Студија од Лондон, покажала дека кај и не така мал број на пациенти, се јавува и когнитивно пропаѓање по прележаниот КОВИД-19, кое траело и до четири месеци. Когнитивното пропаѓање најчесто е забележано кај лица кои биле сериозно болни, но се јавува и кај лица кои имале благи симптоми.
Во јули, во списанието The Lancet, беше објавена студија во која се наведува дека околу 55 проценти од пациентите пријавиле невролошки проблеми кои траеле повеќе од 3 месеци по дијагнозата КОВИД-19. Симптомите вклучувале збунетост, мозочна магла, проблеми со фокусирање, промени во личноста, несоница и губење на вкус и мирис.
Истражувањето предупредува дека оваа пандемија може да резултира со епидемија на оштетувања на мозокот, феномен кој се јавил и по пандемијата со грип во 1918. година.
