Спроведено е истражување за цел свет кое покажало дека по пандемијата со КОВИД-19 дошло до огромен пад на активноста на луѓето.
“По само 30 дена телесна неактивност доаѓа до значајно слабеење на функцијата на срцето и на крвните садови, се нарушува метаболизмот на глукозата, се намалува густината на коските и количината на мускули“, истакнуваат лекарите.
Според нив, постои стручен консензус дека минималната количина на движење во денот е околу 5000 чекори, а 10000 чекори се сметаат за оптимална количина на движење. Со други зборови, 5000 чекори за преживување, 10000 за квалитетен живот.
“Во моментов се наоѓаме во маѓепсан круг на намалена телесна активност која го слабее имунитетот и така не прави поподложни на заразни болести. Таа иста телесна неактивност не води и кон хронични незаразни болести поради кои во оваа пандемија може да бидеме животозагрозени“, потенцираат лекарите.
По две недели неактивност значајно опаѓа максималниот внес на кислород. Доколку оптоварувањата доаѓаат во вистинско време, адаптацијата ќе биде позитивна.
Еве неколку препораки за да започнете со тоа позитивно прилагодување:
- Обидете се секои 30-60 минути седење да ги прекинете со куси станувања и истегнувања
- Засакајте ги скалите, а 10 спрата дневно за почетници, а над 20 за напредни
- Во случај на долго седење или лежење, направете неколку вежби и активирајте ги мускулите кои ве држат исправени
- Секој ден со вежбање подигнете ја фреквенцијата на срцето – начинот и траењето прилагодете ги на моменталната телесна форма
- Вклучете вежби за дишење
- Водете смека за балансирана исхрана, внесувајте течности и имајте квалитетен сон
- Започнете со 10 минути вежби за мобилност. Обезбедете си минимално 5000 чекори во текот на денот – ако телефонирате, со чекорење во минута ќе направите 80 чекори.
