Научниците кои стојат зад ова ново истражување одличиле да откријат што е всушност нормално вагинално подрачје, па истражувањето го спровеле на 600 жени кои прифатиле да им се измери интимното подрачје, вклучувајќи го клиторисот и внатрешноста на интимните усни.
Постојат толку варијанти кога станува збор за интимната зона кај жената кои изгледаат здраво или речиси нормално, што значи дека „нормално“ всушност не постои.
Истражувањето е објавено во British Journal of Obestretics and Gynecology, а учествувале жени меѓу 15 и 84 години.
Сите биле со релативно добро здравје и не биле бремени. Кај секоја жена, научниците го мереле растојанието меѓу клиторисот и усните, како и должината на интимните усни.
Големината не е поврзана со болестите на вагината. Може да бидат со различни големини, а сите да се целосно здрави. Алиша Двек го потврдила ова во уште едно истражување во кое се вели „како лекари ќе заклучиме дека нешто е абнормално ако предизвикува проблеми, како инфекции или проблеми со вметнување на тампон или со сексуалните односи“. Ниту бојата на оваа зона не влијае на „абнормалноста.“ Пигментот се менува во текот на животот, особено за време на бременоста и по породувањето.
Во ова истражување лекарите предупредиле на голем број лица кои се одлучиле за пластична операција на ова подрачје, па се надеваат дека на жените ќе им биде малку појасно дека не постои нормален изглед на вагината.
