Д-рКарен Легет, експерт за регенеративна медицина, издвојува и одговара на петте најчести прашања што жените им ги поставуваат на лекарите за употребата на хормони.
- Дали се безбедни?
Денес, хормонската терапија е еден од главните начини за држење под контрола на симптомите на менопаузата. Според најновите насоки, хормоните најчесто се земаат орално или во форма на фластери кои се лепат на кожата и се безбедни за употреба. На нив е наведено дека и жените кои имале рак на дојка се кандидати за користење на хормонска терапија. Овие ситуации бараат да разговарате со лекар пред да користите хормони:
– ако имате рак на дојка
– ако сте бремени
– ако имате рак зависен од естроген
– ако имате абнормално крварење
– ако во минатото сте имале лоши реакции на хормонска терапија
- Дали употребата на хормони ќе го зголеми ризикот од развој на рак?
Околу 20-тина, години советите за употреба на хормоните се менуваа, а некогаш се споменуваа како препарати кои можат да предизвикаат срцев удар, мозочен удар и развој на рак на дојка. Многу жени престанаа да користат хормони, а и лекарите исто така беа загрижени.
За среќа, спроведени се нови студии кои ги прегледуваа сите досегашни анализи во текот на 20 години и предвид се земени други фактори, а во врска со ракот на дојка открија:
– жените кои земаат естроген немаат зголемен ризик од развој на рак на дојка.
– жените кои земаат синтетички заместителни хормони и контрацепција имаат зголемен ризик од развој на рак на дојка.
- Како помагаат хормоните?
Со користењето на хормони може да се намали ризикот од срцеви заболувања, губење на коскената маса и вагинална атрофија. Хормоните можат да ги подобрат состојбите како инсулинска резистенција, депресија, анксиозност, замор, прекумерна телесна тежиба, артритис и запек.
Покрај тоа, хормоните ќе ја одржат кожата и косата здрави, даваат енергија и го подобруваат целокупниот изглед. Ако сакате да го забавите стареењето, хормоните тука играат голема улога, а ако не сте знаеле, на возраст од 35 до 50 години доаѓа до пад на хормоните за 50 до 75 проценти.
- Како да знаете дека ви се потребни хормони?
Често првиот симптом е кога ќе забележиме дека нашето тело функционира малку побавно. Нападите на жештина се симптом кој секој ќе го забележи, прекинат сон, но постојат и бројни суптилни симптоми како што е сува кожа, сувост на вагината, но и губење на желбата за секс.
Повеќето лекари нема ни да побараат да се направат одредени тестови бидејќи веќе е јасно дека нивото на хормоните ќе се намали во споменатите години од животот. Но, сепак потребно е да се утврди која количина на хормон треба да ја земете. Разликата е ако користите во орална форма или ако користите фластер што се лепи за кожата.
За да се знае колкаво количество на хормон во форма на апчиња е потребно, важно е постојано да се проверува крвната слика. Ако користите хормонски фластери, најдобро е да го проверите нивото со плунка или крв од прст.
- Како да знам дали ги земам вистинските хормони?
Важно е да сфатите дека сами сте задолжени за контрола на вашето тело и дека имате многу опции кога се во прашање хормоните. Пред се, добро е да знаете дека постојат природни биоидентични хормони кои можете да ги набавите без рецепт, за нивното користење, исто така треба да бидете добро информирани. Вашиот лекар сигурно ќе препорача неколку избори врз основа на вашето здравје и дали имате матка.
Ако имате матка, повеќето лекари ќе советуваат комбинација од естроген и прогестин. Тие доаѓаат во форма на фластер или таблети, а се смета дека фластерот е најбезбедната верзија бидејќи таблетите може да го зголемат ризикот од згрутчување на крвта и мозочен удар. Но, фластерите содржат форма на прогестерон наречен прогестин, кој е поврзан со зголемен ризик од развој на рак на дојка. Ако немате матка, вашиот лекар веројатно ќе ви објасни дека не ви треба прогестин бидејќи тој е наменет само за матката, вели д-р Легет.
