Преголемата употреба на вода може да предизвика сериозни последици во организмот на човекот, изјавила докторката по медицински науки Ала Погожина од рускиот Институт за храна и биотехнологија.
Според зборовите на стручњаците, преголмиот внес на течности доведува до зголемено разградување на протеините и испирање на потребните витамини и минерали од телото. Освен тоа предизвикува и оптоварување на кардиоваскуларниот и уринарниот систем.
Руската докторка објаснила дека за гасење на жедта не е важно само количеството на течност, туку и нејзиниот вкус. На пример, киселите напитоци (од овошје, квас, зелен чај) го стимулираат лачењето на плунка и го намалуваат чувството за жед.
„Напитоците како што се кафето, црниот чај и останатите се вклучуваат во исхраната во облик на слободна течност која не се содржи во цврстата храна. Количеството на таква течност треба да изнесува 1500 – 2000 милилитри (т.е. шест-осум чаши) дневно“, додала Погожина.
Според нејзините зборови уделот на вода во организмот на човекот варира во текот на животот: кај детето ја има 75 отсто, а кај постарите лица 55 отсто.
Просечната потреба на организмот за вода изнесува два и пол литри дневно, навела Погожина. Организмот добива еден литар преку храната, додека 1-1,5 литри се внесуваат како течност – чај, млеко, супа.
