Пишува: Проф. д-р Дејан Докиќ, специјалист по пулмологија и алергологија
Денес не се знае лекот за атописки дерматитис и денешната терапија е многу симптоматска. Може да се превземат одредени терапевтски мерки кои драстично ќе ги намалат симптомите и ќе ја контролираат целокупната кожна состојба.
КОНТРОЛА НА ЖИВОТНАТА СРЕДИНА
Мерките на контрола на животната средина во форма на минимизирање на изложеноста на алергени и пруритусни состојби треба да е воспоставена кај сите АД пациенти. Минимизацијата на екстремните менувања на температурата и влажноста ќе доведе до намален пруритус. Намаленото потење се одржува со умерена температура. Облеката да е широка и памучна. Комплетното плакнење од детергенти, спауни и белила е строго препорачливо. Изложувањето на хемикалии, иританти и растворувачи на работното место да се избегнува од страна на повозрасните пациенти со АД. Минимализирањето на емоционалниот стрес ќе го намали пруритусот.
Треба да се избегнуваат и аероалергените колку што е можно. Најлесно се избегнуваат правта и животинскиот првут. За избегнување на правта, пациентите треба да користатпластични и хипоалергени покривки на перниците и душеците, да се тргнат од употреба перниците со пердуви и кадифените играчки, често да се пере постелата на високи температури и пожелно е да се тргнат теписите и завесите од домот. Треба да се максимизира избегнувањето на свежо косена трева.
РЕСТРИКЦИИ НА ХРАНА
Кај пациентите со хиперсензитивност на храна се избегнуваат продуктите кои се алергени за подобрување на атопискиот дерматитис. Сампсон и колегите имаат докажано дека следењето на строг режим на исхрана значително ги олеснува симптомите и ги чисти осипите на кожата. Доколку кај пациентите се регистрира покачен CAP-FEIA постои 90-95% веројатност дека тој пациент ќе има позитивен алерген тест на храна. Неколку истражувачи ја докажале полезноста на овој тест за дијагнозата за алергијата на храна без да се направи тестот за храната. Направени се подобрувања на процената на развојот на толеранцијата меѓу пациентите алергични на храни. Пери и колегите речиси сугерираа нови нови упатства за повторното претставување на и зависното тестирање на CAP-RAST нивото во претходно познатите алергени на храна кај пациентите. Врз баз ана тестирањето на кожата не треба да се препише престрога диета поради очигледните нутриционистички компликации.
Периодот на рестриктираната диета зависи од алергенот, но генерално треба да трае 1-2 години пред повторна употреба или ре-тестирање со алергената храна. За неко алергени, како кикириките, неопходен е подолг рестриктивен период. Всушност, новите податоци укажуваат дека речиси 20% од децата за помалку од 5 години ја надраснуваат алергијата.
НЕГА НА КОЖАТА
Треба да се спроведат мерки за редуцирање на кожната траума од чешањето. Соодветна постела и облека може да помогнат за да се намали јадежот. Кај бебињата и децата, да се сечат ноктите и да се користат ракавици и чорапи за време на спиењето.
Хидратацијата на кожата е екстремно важна мерка за контрола на осипот и пруритусите поврзани со АД. Некои доктори го сметаат честото капење како дел од третманот. Бањањето ја хидрира хронично сувата кожа на АД и може да ја намали можноста за бактериска суперинфекција, што ќе ги намали пруритусите и активацијата на лезии. Додатно, долгото пливање е прогласено за смирувачка терапија од страна на самите пациенти со АД.
Пациентите треба да се бањаат во млака вода, 30 минути, еднаш или два пати дневно (зависно од сериозноста на болеста). Burow’s растворот, овесна каша и масла може да се додадат во бањата, за поголемо намалување на пруритусот. Хидрантни обвивки на телото со крпи потопени во вода е уште еден метод за посериозните фази на болеста. Туширањето не е адекватно, зашто нема доволноо хидрација. Слаби сапуни се препорачливи место моќните.
Лубрикантите треба да се нанесуваат веднаш по бањањето и повеќе пати во текот на денот, минимум два пати. Тие ќе ја спречат сувоста и ќе ја “заклучат“ хидратацијата добиена со бањањето. Треба да се без алкохол и парфеми.
Во наредното стручно со проф. д-р Дејан Докиќ: Лекување со кортикостероиди, антипруритизми, раствори со катран…
