СТУДИИ ДАВААТ СПРОТИВСТАВЕНИ ОДГОВОРИ:  Може ли новиот коронавирус да се пренесе преку сексуален однос?

Сексуалното пренесување на коронавирусот SARS-CoV-2 во моментов не може ниту да се потврди, ниту да се негира, бидејќи постоечките студии даваат спротивставени докази за неговата присутност во репродуктивниот систем.

Новиот коронавирус може да се пренесе по полов пат и може да предизвика машка неплодност. Тоа е заклучокот што можеше да се донесе од насловот на написот што на почетокот на летото го објави Њујорк Пост. Оригиналниот напис, базиран на резултати од студија спроведена во болница во Кина и објавена на интернет страницата на списанието JAMA Network Open.

Иако SARS-CoV-2 првенствено ги инфицира ткивата долж дишните патишта, некои студии откриле вирус и во телесните течности, вклучувајќи плунка, семена течност, столица, крв и очни секрети. Присутноста на вирусот во семената течност (спермата) кај луѓето доведе до размислување: може ли спермата да ја пренесува болеста и може ли инфекцијата да влијае на функцијата на тестисите и машката плодност?

Студијата на која се повика Њујорк Пост открила SARS-CoV-2 во семената течност кај шест пациенти, од кои четворица биле во акутен стадиум на инфекцијата, а двајца биле во фаза на опоравување. Авторите од тоа заклучиле дека е можно пренесување на КОВИД-19 и преку полов пат. Тие сепак се оградиле од овој заклучок на мал број на примероци од пациенти и краткото траење на истражувањето.

Но, тоа не е ниту прва, ниту последна студија за присуство на вирусот SARS-CoV-2 во спермата на мажите.

Друга студија објавена во списанието Fertility and Sterility не открила виеус во семената течност на 34 позитивни мажи, еден месец по поставување на дијагнозата.

Коавторот на оваа студија, проф. Џон Хоталинг, уролог на Универзитетот во Јута, специјалист за машка неплодност, објаснил дека станува збор за сосема поинаков примерок и дека студијата на која се повикува Њујорк Пост обработувала многу болни пациенти, толку болни што некои од нив и починале.

Колку се потешки симптомите на болеста, толку е поголема веројатноста вирусот да пробие се до тестисите, смета проф. Хоталинг. Истовремено, Мелиса Пери, специјалист за јавно здравје која проучува пореметувања на семената течност кај мажите, смета дека испитувањата и анализата на сперма кај симптоматските и асимптоматските болни се нужни за да се утврди присутноста на вирусот во семената течност кај лица со различен степен на заболувањето.

Но, некои експерти предупредуваат и на следново.

Присутноста на вирусен генетски материјал во телесна течност не значи дека некој е заразен. Поради слабиот имунолошки одговор во тестисите, вирусите може долго време да постојат во спермата, дури и кога не се способни да се размножуваат во генитоуринарниот тракт. Потребни се дополнителни студии за да се процени способноста на вирусот да се реплицира во генитоуринарниот тракт, концентрацијата на вирусот во семената течност и колку долго тој таму се наоѓа по опоравувањето на пациентот.

Влезот на SARS-CoV-2 во тестисите, теоретски е можен, бидејќи тестисите имаат ниско ниво на ензимот ACE2 преку кој вирусот влегува во клетките на човекот. Но, засега неоценета студија не открила SARS-CoV-2 во биопсијата на тестисите на пациенти со дијагноза на КОВИД-19.

Од друга страна, веќе споменатото испитување на плодност и стерилност открило дека 19 проценти од мажите со инфекција на КОВИД-19 покажле симптоми на орхитис – вирусно воспаление кое може да ја намали плодноста, а е поврзано и со вирусот SARS-CoV-1.

Недомнешна нерецензирана студија објавена на MedRxiv, исто така споменува пораст на лутеинизирачките хормони кај мажите со КОВИД-19, што укажува на намалена функција на тестисите. Познато е дека многу вируси, вклучуваќи и заушки, ХИВ, фамилија на херпесвируси, ебола и Зика, може да се најдат во спермата на заразените лица. Репликацијата на овие вируси во тестисите може да предизвика воспаление и да создаде потенцијално заразна сперма.

Но, намалената стерилност може да биде и нуспојава на одредени примарни симптоми на инфекцијата, како висока температура, прекумерен имунолошки одговор и пореметувања на коагулацијата, и сето ова е забележано кај заболените од КОВИД-19. Во последниов случај, спермата не би била нужно заразна, но болеста сепак би можела барем привремено да ја намали плодноста на мажот.

Накусо, тврдењата дека КОВИД-19 може да се пренесе преку полов пат и дека може да предизвика неплодност се избрзани. Моменталните докази не се доволни за заклучпок дека КОВИД-19 може да се пренесе преку семената течност или да има долгорочни негативни ефекти на машката плодност.

Сепак, здравствените стручњаци, вклучувајќи ги и оние од Мајо клиниката, објавија потсетник дека секој близок контакт со заразено лице подразбира ризик од инфекција. Затоа, препорачуваат практикување на безбеден сексуален однос и избегнување на телесен контакт со лица чии статус на зараза е непознат.