Објавени се неколку студии во кои се наведува дека лицата со одредена крвна група се посклони кон заболување од КОВИД-19. Нова студија објавена пред три дена сугерира дека лицата со крвни групи А и Б, и Рх+ фактор (Rh) изложени се на поголем ризик од инфекција со коронавирус. Од друга страна, лицата кои имаат О, АБ и Рх- крвна група имаат помал ризик за зараза.
“Тешкиот акутен респираторен синдром на коронавирусот (SARS-CoV-2) е нов вирус и се уште не е целосно јасно дали крвните групи имаат било какво влијание на ризикот од зараза. Поради тоа ја истраживме поврзаноста на крвните групи и чувствителноста на КОВИД-19, времето на опоравување и морталитетот“, наведува д-р Рашми Рана, консултант на Одделот за истражување.
Истражувањето покажало дека лицата со крвна група А и Рх + фактор, побавно се опоравуваат, додека оние со крвна група О и Рх- фактор, побрзо се опоравуваат од КОВИД-19.
Коавторот на истражувањето д-р Вивек Рањан вели дека е потребно да се спроведе поголема студија која ќе ја потврди врската помеѓу одредени крвни групи и коронавирусот. Оваа последна студија опфатила 2.586 лица кои биле позитивни на КОВИД-19.
