Истражување спроведено во Италија на 4.500 испитаници покажало дека во просек, потребен е еден месец за новиот коронавирус SARS-CoV-2 целосно се елиминира од телото, по првиот позитивен тест.
Секој учесник во истражувањето бил тестиран во просек три пати: 15 дена по првиот позитивен тест; 14 дена по вториот; и девет дена по третиот тест.
Просечното време на отстранување на новиот коронавирус изнесувало 30 дена по првиот позитивен тест и 36 дена од почетокот на симптомите. Со зголемување на возраста и телесната тежина, било потребно малку повеќе време SARS-CoV-2 целосно да се елиминира од организмот.
Исто така, се покажало дека РТ-ПЦР тестот, имал 20 проценти лажно негативни резултати. Тоа значи дека секој петти резултат кој е негативен на КОВИД-19 е погрешен и дека пациентите се уште можат да заразат други луѓе.
Се смета дека резултатите од оваа студија јасно ја истакнуваат важноста на собирањето докази за траењето на инфективноста на SARS-CoV-2 со цел да се избегне непотребната изолација без зголемување на ризикот за ширење на вирусот од страна на клинички опоравените пациенти.
Според научниците, препорачливо е, пациентот да се тестира и еден месец по првото тестирање.
