Луѓето кои веќе биле слаби, а кои изгубиле многу килограми имале поголем ризик од дијабетес тип 2 една деценија подоцна, во споредба со нивните врсници кои не држеле диета. Исто така, поголема е веројатноста и да се наталожат вишок килограни, се наведува во истражувањето на Универзитетот Харвард.
Научниците велат дека нивните резултати се “изненадувачки“. Тие претпоставуваат дека слабите луѓе кои доживеале драматично губење на тежината имаат повисоко ниво на хормоните за глад, поради што е поверојатно да копнеат за нездрава храна.
Многу слабите луѓе се обидуваат да изгубат маснотии со надеж дека ќе постигнат стомачни мускули или позатегнато тело. Но, тимот од Харвард сега предупредува дека драматичните диети за слабеење треба да ги користат само оние на кои им се “медицински потребни“.
Во оваа студија, научниците анализирале податоци од 200.000 здрави Американци, собрани помеѓу 1988 и 2017 година. Девет од десет учесници во студијата биле жени.
Тие биле поделени според индексот на телесна маса (БМИ) на оние кои бил слаби, оние кои биле со умерен вишок на килограми и оние кои биле екстремно обезни. Тие морале редовно да ја мерат нивната тежина, а научниците ги следеле нивните медицински досиеја.
Помеѓу слабите луѓе, оние кои биле на екстремна диета добиле помеѓу 4,4 и 17 килограми повеќе од нивните врсници.
