Колку еден, два или повеќе здравствени ризици ја зголемуваат можноста пациент заразен со коронавирус ќе има компликации и ќе заврши на лекување на интензивна нега, па дури и ќе умре, покажала најнова кинеска студија правена на 1590 пациенти.
На пример, смртен исход бил поверојатен кај оние кои имале некој здравствен проблем и тоа за 8,8 проценти, додека кај оние пациенти без такви проблеми процентот изнесувал 1,3. Со порастот на бројот на коморбидитети (пропратни состојби/ризици по здравјето), ризикот бил поголем. За оние кои имале два ризика, веројатноста за лош исход била 160% поголема, а за 80% за оние со еден ризик. За пациентите со ХОББ (хронична опструктивна белодробна болест) ризикот за лош исход бил 160 проценти поголем.
ВИСОК КРВЕН ПРИТИСОК
Најлошо поминуваат онколошките пациенти на кои ракот им го зголемува ризикот за 250 процнети. Тоа го потврдуваат и италијанските истражувања кои покажале дека најголем број од жртвите на коронавирусот (99%) имале некои здравствени дефицити, а дури половината од нив имале три и повеќе болести пред да бидат заразени со новиот коронавирус. Истражувањето на 355 смртни случаи во Италија покажало дека само три жртви или 0,8% претходно биле целосно здрави.
Доволен е само еден здравствен ризик, на пример висок крвен притисок, па заразата со коронавирус да заврши кобно, дури и за помлад пациент, односно опасноста да се дуплира.
Имено, лекарите од почетокот на пандемијата со КОВИД-19 предупредуваат дека сите хронични пациенти имаат значајно поголем ризик за компликација на болеста, па токму затоа ти е треба дополнително да се чуваат од зараза со овој вирус.
Затоа, речиси два месеци, и во земјава, откако секојдневно се објавува бројот на новозаразени со КОВИД-19, но за жал и бројот на починати, неретко се спомнуваат и “претходни хронични болести“, односно кажано со медицински јазик – коморбидитети. Стручњаците постојано нагласуваат дека КОВИД-19 е изразено опасен за оние чие здравје е нежно, односно за лицата од вулнерабилните групи. Тоа го покажа и текот на болеста на македонските пациенти – односно починати од коронавирусот, кој во поголем процент се пациенти над 60 години и со историја на болести.
ИНТЕНЗИВНА НЕГА
Најновата студија која ја водел Веи-Ји-Гуан од медицинскиот факултет во Гуангхоу покажала дека само еден здравстен ризик го зголемува смртниот исход во случај на зараза со коронавирус за дури 80% и кога ќе се здружи коронавирусот и некоја хронична болест, шансата да се заврши на интензивна нега или за почине, за тие пациенти е 20%, додека кај здравите изнесува 5%.
Најризични се пациентите со карцином чии ризик е 250 проценти поголем или оние со ХОББ од кои една четвртина со КОВИД-19 починале, а половина од нив морале да се лекуваат на интензивна нега.
За споредба, стапката била за пет пати помала за оние со висок крвен притисок или дијабетес, или со кардиоваскуларни болести.
Во студијата инаку биле анализирани 1590 пацинети хоспиталиризани во декември минатат година и февруари оваа година во кинеските болници. Нивната просечна возраст била 49 години, а биле згрижени во 575 болници во 31 кинеска провинција, што значи дека не ги вклучувала оние пациенти со благи симптоми кои се лекувале дома. Од болничките пациенти, 16% имале тешка форма на болеста, а 8,2% поминале интензвина нега, респиратор или почнале.
Се покажало дека најчести проблеми биле високиот крвен притисок, срцевите болести и дијабетесот. Околу 76% од починатите имале висок крвен притисок, 35% имале дијабетес, 33% исхемична болест на срцето. Засега не се знае зошто тие лица со висок крвен притисок имаат толкава чувствителност на новиот коронавирус.
