Голема студија спроведена во Канада нуди докази дека луѓето кои имаат крвна група О или се Rh негативни, се со помал ризик да заболат од новиот коронавирус.
Од 225.556 граѓани на Канада кои се тестирани на вирусот, оние со ) крвна група, имале за 13% помал ризик да заболат од тешка форма на КОВИД-19 во однос на лицата со останати крвни групи, се наведува во истражувањето.
Лицата пак со било која крвна група, кои се Rh негативни, исто така имале одредена дополнителна заштита, особено ако биле со О крвна група и негативен фактор.
Лицата со ниско ниво на витамин Д се со поголем ризик да заболат од сериозна форма на КОВИД-19, но од друга страна високото ниво на витамин Д не го решава проблемот, туку делува превентивно и штити од евентуална инфекција.
Новите податоци покажуваат дека пациентите кои се опоравиле од КОВИД-19 имаат корист од домашна здравствена нега по отпуштањето од болница.
Научниците од Универзитетот во Пенсилванија набљудувале 1.409 пациенти кои имале домашна медицинска нега, од кои повеќе од половина биле помлади од 65 години.
Кога биле отпуштени од болница, 80 проценти од нив и натаму имале отежнато дишење, а голем процент пријавувале и анксиозност или конфузија, при што биле во состојба кога им е неопходна помош при одење, облекување и капење. По еден месец домашна медицинска помош, 94 проценти од опоравените пациенти немале потреба од дополнителна грижа.
