Месеци по опоравувањето од блага форма на КОВИД-19, кога нивото на антитела во крвта ќе се намали, имуните клетки во коскената срцевина и понатаму се во состојба да излачуваат нови антитела против новиот коронавирус, објавија вчера американските научници во списанието Nature. По инфекцијата, имуните клетки со кус век многу брзо се регенерираат и излачуваат бран на заштитни антитела.
Паралелно со изумирањето на имуните клетки, нивото на антитела опаѓа, но базенот на тие имунолошки клетки, познати под името долговечни плазматски клетки, остануваат во своевидна резерва и по инфекцијата.
Поголем дел од нив се преместуваат во коскената срж, објаснува коавторот на студијата, Али Елбеди од Медицинскиот факултет Вашингтон.
Според професорот, членовите на неговиот научен тим добиле увид во примероци коскена срж на 19 пациенти, седум месеци од почетокот на блага форма на болеста КОВИД-19. Кај 15 од нив, откриени се долгорочни плазматски клетки кои лачеле антитела против коронавирусот.
Петмина меѓу нив се подложиле на втора биопсија на коскена срж, 11 месеци од појавата на симптоми, која покажала дека сите пациенти и понатаму имале долговечни плазматски клетки кои лачат антитела против SARS-CoV-2.
Елбеди истакнува дека “тие клетки се задржуваат во коскената срж и продолжуваат да излачуваат антитела“ и појаснува дека така се однесуваат од завршувањето на болеста и дека тоа веројатно ќе продолжи до недоглед.
“Тие клетки ќе продолжат да живеат и веројатно да создаваат антитела до крајот на животот на луѓето, но се упте не е во целост јасно дали ќе имаме ист резултат во истражувањето на пациенти кои прележале умерена до тешка форма на КОВИД-19“, заклучиле авторите на студијата.
