Голем број на пациенти кои закрепнале од КОВИД-19 веројатно ќе бидат во поголем ризик од развој на ментални болести, изјавија психијатрите во понеделникот, откако големо истражување открило дека кај 20 проценти од заразените со коронавирус се дијагностицира психичко пореметување во рок од 90 дена.
Анксиозност, депресија и несоница биле најчестите состојби меѓу опоравените пациенти од КОВИД-19, покажала студијата на Универзитетот Оксфорд. Притоа е откриен и значајно поголем ризик од деменција, состојба на оштетување на мозокот.
“Луѓето се загрижени дека кога ќе се опорават од КОВИД-19 ќе бидат изложени на проблеми со менталното здравје, а нашите откритија покажуваат дека тоа е многу веројатно“, вели Пол Харисон, професор по психијатрија на Оксфорд кој смета дека лекарите и научниците низ светот итно треба да ги истражат причините и да идентификуваат нови начини на лекување на менталните болести по КОВИД-19. Здравствените служби мораат да бидат подготвени за пружање нега, особено што нашите резултати веројатно ќе бидат потценети“, вели Харисон.
Студијата објавена во списанието The Lancet Psychiatry ги анализирала електронските здравствени картони на 69 милиони лица во САД, вклучувајќи над 62.000 случаи на КОВИД-19. Откритијата веројатно ќе бидат исти за сите погодени од КОВИД-19 низ светот, велат истражувачите.
За три месеци по позитивното тестирање на КОВИД-19, забележано е дека секој петти пациент кој преживеал ја имал првата дијагноза на анксиозност, депресија или несоница.
Студијата исто така открила дека кај луѓето со веќе постоечка ментална болест, веројатнота дека ќе им биде дијагностицираниот КОВИД-19 е за 65 проценти поголема отколку кај другите заболени. Овие наоди ги зголемуваат доказите дека КОВИД-19 може да влијае на мозокот и умот, зголемувајќи го ризикот од низа психијатриски болести.
“Тоа веројатно е поради комбинацијата на психолошките стресори поврзани со оваа одредена пандемија и физичките ефекти на болеста“, вели Мајл Блумфилд, психијатар на Универзитетскиот колеџ во Лондон.
