Д–р Хенри Билер е американски визионер, лекар и автор на книгата Храната е најдобар лек во која ги наведува методите за лекување болести со исхрана. Верува дека телото има способност да се излекува само.
Неговата позната супа е богата со калиум и позната е како јадење кое има способност да го алкализира телото и го стимулира црниот дроб и надбубрежните жлезди. Исто така, му помага и на панкреасот да го контролира нивото на шеќер во крвта.
Додавајќи растопен путер, исто така, ќе добиете бројни дополнителни лековити својства. Намалување на воспаленијата, подмачкување на сврзните ткива, јакнење на имунитетот се некои од нив, а се верува и дека ја подобрува меморијата и помага во развивањето на интелигенцијата. Оваа супа е најдобар начин за детоксикација на телото. Билеровата супа е добар начин да се почне денот или може едноставно да биде дополнување на ручекот.
Потребни состојки:
4 тиквици со средна големина, 3 чаши боранија, 2 стебленца целер, 2 китки магдонос, 250 мл филтрирана вода, морска сол по желба, малку топен путер.
Начин на приготвување: Во лонец ставете ја водата и сечканите тиквици, боранија и целер. Оставете водата да проврие, намалете го огнот, па оставете да крчка уште 30 минути, додека зеленчукот не стане мек и сочен. Внимавајте само да не го преварите. Смесата ставете ја во блендер и додадете рака магдонос и вода. Добро испасирајте го зеленчукот. Додадете малку путер во секоја порција за да ја згуснете текстурата и да ги зголемите лековитите својства.
Доколку е можно секогаш користете органски зеленчук. Можете да додадете и повеќе тиквици место боранија и обратно. Во склад со вкусот може да направите погуста или поретка супа.
