Истражувачите откриле дека фисетинот, супстанца која се наоѓа во повеќе овошја и зеленчуци, има позитивен ефект врз здравјето и влијае на продолжувањето на животниот век.
Пол Робинс и неговиот тим од Универзитетот во Минесота откриле дека природната супстанца фисетин може да го намалува нивото на оштетени клетки во телото.
„Резултатите укажуваат на тоа дека со помош на фисетинот можеме да го продолжиме животниот век и да го зачуваме здравјето подолго време, но сепак постојат отворени прашања околу дозирањето“, вели Робинс.
Фисетинот може да се најде во многу растенија, а најприсутен е во јагодите, јаболките, грозјето, краставиците и кромидот. Може да се најде и во чистите овошни сокови, виното и во чаевите.
