Сусам или сезам (sesamum indicum) е еден од најстарите зачини во светот, а сигурно е најстара билка, која систематски се одгледувала поради добивање масло.
Според записите кои датираат од 3500 година пред нашата ера, културата сусам се простирала долж брегот на реката Еуфрат и Тигар. Најстарите докази за постоењето на сусамот може да се најдат во Британскиот музеј, на плочите испишани со клинесто писмо од 2000 година пр.н.е. и на нив е забележан вавилонски еп за создавањето на светот, каде Херодот пишува: „Во Асирија и Вавилон нема маслиново масло, таму се троши масло добиено од сусам“.
Позната е и магичната реченица: „Сезаме, отвори се!“ Иако детската имагинација смета дека се работи за магична реченица која ја отвора вратата на пештерата со богатство, таа, всушност, се однесува на одликата на мешунките сусам кои кога целосно ќе созреат се отвораат многу експлозивно, при што семките од сусам излегуваат надвор.
Еден поглед на нутритивниот состав на сусамот открива ризница на хранливи материи. Меѓу нив се истакнуваат две уникатни соединенија: susamin и susamolin, кои припаѓаат на групата на диетални влакна наречени лигнани, кои имаат својство на намалување на холестеролот и крвниот притисок, како и зголемување на нивото на витамин Е.
Антиоксидантното дејство на маслото од сусам слободно може да се спореди со маслиновото масло
Семето е богато со протеини и ги содржи сите есенцијални аминокиселини, а особено е богато со метионин. Содржи 45-60 проценти масло. Маслото од сусам содржи витамини А, Б1, Б6 и Е, а сусамот се препорачува да се консумира со храна, како што се житарки или мешунки, на кои им го подобрува аминокиселинскиот состав.
Антиоксидантното дејство на маслото од сусам слободно може да се спореди со маслиновото масло. Со вклучувањето на маслото од сусам во секојдневна употреба се спречуваат последиците од автоинтоксикација, ги уништуваме слободните радикали. Спречува појава на запек, бактерии и габи во организмот и на кожата, разни кожни заболувања, ја штити кожата од сончевите зраци, ја лекува сувата и чувствителна кожа, особено кај пушачите, ја зајакнува циркулацијата на крвта, ги намалува лузните…
Семето од сусам е повеќекратно корисно за здравјето, ги зајакнува нервите, ја поттикнува работата на срцевиот мускул, ја спречува егземата, ги уништува габите и се користи во исхраната при дијабетес.
