Високото количество на калциум и магнезиум во сусамот не само што ја ублажуваат хипертензијата, туку ги одржуваат нашите коски здрави. Доволно внесување на магнезиум го намалува ризикот од остеопороза кај жените во постменопауза.
Исто така, активните состојки на сусамот помагаат и кај симптомите на остеоартроза. Во едно истражување пациентите со остеоартроза на колената се поделени во две групи, од кои првата група учесници секојдневно земала по 40 г мелен сусам, а другата глукозамин и парацетамол два пати дневно, што е стандардна терапија за ова заболување. Забележано е дека испитаниците кои земале сусам пријавувале помалку болки, а притоа немало никакви несакани дејства, кои, од друга страна, може ја следат примената на парацетамол.
