Сусамовото масло е богато со антиоксидантите сезамол и сезаминиол кои го штитат организмот од штетното дејство на слободните радикали, додека истовремено ги ублажуваат воспалителните процеси.
На Тајван, на пример, сусамовото масло традиционално се користи за ублажување болки во зглобовите, така што се втрива на болните места.
Една студија спроведена во Иран, исто така, покажала дека нанесувањето сусамово масло на местото на тапи трауми (повреди) на раце или нозе го смирува интензитетот на болка и потребата за земање аналгетици.
Сусамовото масло, исто така, изобилува со повеќекратно незаситени масни киселини за кои истражувањата покажале дека поволно влијаат на кардиоваскуларното здравје.
