Сушената брусница е одлична закуска, особено ако сте во постојано брзање. Содржи многу калории и шеќер, но и бројни вредни витамини и минерали. Консумацијата, секако, се препорачува, но внимавајте да не претерате. Обратете внимание на декларацијата и следете ја препорачаната дневна доза.
Калории
1/3 шолја сушена брусница содржи дури 123 калории и 0,55 г масти, повеќето масти се здрави незаситени масти. Незаситените масти можат да помогнат во намалување на нивото на холестерол и регулирање на нивото на шеќер во крвта.
Поради големата калоричност, обидете се да јадете умерено сушена брусница.
Шеќер
Сушената брусница содржи големи количини шеќер – во 1/3 шолја сушена брусница се содржани 26 г шеќер. Тоа е повеќе од шест лажички и го претставува дневниот лимит на внес на шеќер. Премногу шеќер може да го зголеми нивото на триглицериди, со што се зголемува ризикот од срцеви заболувања.
Хранливи материи
1/3 шолја сушена брусница го снабдува организмот со 0,43 милиграми витамин Е. Витаминот Е е антиоксидант кој помага во уништувањето на слободните радикали, кои предизвикуваат оштетување на клетките.
Консумирањето сушена брусница ќе ве снабди и со железо, калиум и витамин Ц
Придобивки за здравјето
Сокот од брусница често се препорачува за превенција и третман на инфекции на уринарниот тракт, но овие мали плодови имаат подалеку поголеми здравствени придобивки. Една студија од 2010 година од „Journal of Food Science“ откри дека сушената брусница задржува голем дел од антиоксидантите и по процесот на сушење. Антиоксидантите од сушената брусница можат да помогнат во намалување на воспаленијата и намалување на ризикот од хронични здравствени проблеми како што се срцевите заболувања.
Совети
Секогаш бирајте сушена брусница со помалку шеќер. Ова ќе ја зголеми нејзината хранлива вредност.
Сушената брусница може да се користи во салати или во појадок со овесна каша. Можете, исто така, да ја користите и за подготовка на колачиња. Брусниците одат добро и со месо, па може да ги комбинирате со пилешко или свинско месо.
