Доколку се будите малаксани и со сува уста, тоа недвосмислено укажува на дехидратација. Ако ова се случува често, можно е да постои некоја позначителна медицинска причина за оваа состојба.
Губите течност во текот на ноќта
Дури и ако не заспиете жедни, природно ќе загубите течност едноставно со дишењето за време на сонот. Но одредени начини на дишење предизвикуваат дехитрација за разлика од други. Ова особено се однесува на личностите кои дишат на уста или ’рчат. Ако дишете на нос, нема да изгубите ни приближно толку вода, како кога дишете на уста.
Пониско ниво на естроген
Кај жените во одредена фаза на менструалниот циклус, паѓа нивото на естрогенот и организмот побрзо дехидрира во текот на ноќта. Овој хормон влијае на способноста на организмот да задржува течност и кога неговото ниво паѓа, ризикот од дехидратација расте. Естрогенот и прогестеронот влијаат на задржувањето течности во организмот.
Вежбате доцна навечер
Ако навечер одработите интензивен тренинг, а не пиете доволно вода, исто така, го зголемувате ризикот од дехидратација. Освен тоа вежбањето доцна навечер, може да ви го поремети внатрешниот часовник, па ќе ви биде потешко да заспиете заради што ќе се разбудите уморни и жедни. Доколку сте навикнати да вежбате навечер, обидете се да го поместите тренингот за час или два порано и да пиете доволно вода.
Несакани дејства на лекови
Одредени категории лекови, како што се антидепресивите го зголемуваат ризикот од дехидратација во текот на ноќта. Тука се вбројуваат и деконгестантите и капките за нос. Ако земате лекови за некои хронични состојби, консултирајте се со лекар дали тие може да се причина за дехидратација во текот на ноќта.
