![suhaya-kozha-na-rukah-i-nogah-prichiny_ors](https://panacea.mk/wp-content/uploads/2019/10/suhaya-kozha-na-rukah-i-nogah-prichiny_ors-696x503.jpg)
Всушност сувата кожа на лактите може да биде знак за сериозни заболувања, тврди една руска докторка. Дерматологот Ирина Скорогудаева предупредува дека кожата би требало да се хидрира еднакво на сите делови од телото. Причината за сушење на некои делови од кожата може да биде знак за создавање слој мртви клетки на кожата кој го нарекуваме рожнат слој. Ова обично е карактеристика кај луѓето кои седат долго крај работна маса, на пример, работејќи на компјутер. Од друга страна, сувата кожа може да биде знак на предупредување за состојби како што се алергија на храна, атописки дерматитис или вазомоторен ринитис. Испуканата кожа на овие делови од рацете предупредува и на недостаток на витамини А, Б и Д. Причината за недостаток на овие витамини во телото веднаш се гледаат на кожата, а ако го имате овој проблем тогаш овие витамини не се апсорбираат како што треба во вашиот дигестивен систем.
Сувата кожа на лактите може да укаже и на појава на псоријаза, но и дијабетес.
Псоријазата најчесто се јавува на лактите и колената и се појавува во облик на црвени дамки прекриени со лушпи. Од друга страна, инфекциите на лактите се прв знак за дијабетес затоа што бактериските и габичните инфекции кои ја исушуваат кожата се чести нуспојави на дијабетес.
Сувата кожа може да биде и аларм за проблем со жлездите.
Штитната жлезда лачи хормон кој ги одржува клетките во телото на куп. Кога ќе се намали нивото на лачење на овој хормон (хипотиреоза) се се забавува. Може да се јави запек, депресија и умор. Тироидните хормони имаат рецептори во кожата и имаат улога да обезбедат нови клетки кои ќе ги заменат оние кои постојано се губат, а со самото тоа и кожата станува сува и рапава.
Докторката советува дека е најдобро да појдете на лекар доколку почувствувате сувост на лактите, неиздржливо чешање и голема непријатност во тој дел од кожата.