Има и разлика меѓу овие две. „Сувото“ давење настанува кога детето ќе вдише вода низ носот заради што настанува спазам во дишните патишта и предизвикува потешкотии во дишењето. Овој вид давење се нарекува „суво“ затоа што водата никогаш не доаѓа до белите дробови заради спазмот на гласните жици. Смртта настанува кога гласните жици не се опуштаат и не дозволуваат воздухот да стигне до белите дробови.
Секундарното, односно одложеното давење настанува кога детето ќе вдише вода во белите дробови, а доволно е тоа да биде само една кафена лажичка и да предизвика инфекција или едем (оток). Едемот може да се создава со часови, па дури и денови откако детето имало иницијален контакт со водата.
Смртта настанува со отекување на малите вреќи за воздух во дробовите, спречувајќи го влезот на кислород во крвотокот.
Симптоми на секундарно давење:
- отежнато дишење;
- упорна кашлица;
- давење;
- летаргија или поспаност,
- иритирање;
- повраќање.
Децата на возраст од една до четири години се во најголем ризик од давење и иако се ова ретки инциденти претставуваат речиси 60 отсто од починатите.
