Неговата висока енергетска вредност, сувото грозје го прави одличен меѓуоброк, а добро е и за во колачи. Сувото грозје е дехидриран плод во кој останува најмногу 23% вода. Се прави со сушење на грозјето на сонце или со механички процес на сушење во сушари.
Нутритивно гледано, сувото грозје се карактеризира со големо количесто на калиум, магнезиум, цинк, бакар, калцум и железо, како и витамини А и Б комплекс.
Сувото грозје е богато со железо, кое директно помага во лечење на анемија, додека високата содржина на бакар, помага при создавањето на нови црвени крвни зрнца. Станува збор за висококвалитетна закуска за студените денови, која ја надоместува изгубената енергија.
Освен тоа, со помош на сувото грозје, без поголеми проблеми можете да се надмине гладта, бидејќи е богата со влакна кои предизвикуваат чувство на ситост. Сувото грозје, во комбинација со јаткасти плодови, јогурт или мед, претставува одличен избор за почеток на денот. Одлично е и како прилог со ориз, кус-кус и зеленчук, и со секакво месо. Може дасе додаде и во било која салата.
Совршено се комбинира во сите колачи, леб, пецива, компоти, пудинзи и креми, а неизбежен е додаток на штрудли, колачи, како и во сладоледи или едноставно промештајте го со друго сушено овошје и јаткасти плодови како замена за благо. Преку зима често се додава во варено вино.
