Екстремниот замор често е на врвот на листата на највознемирувачки симптоми за милиони луѓе кои живеат со мултипла склероза (МС), а сега, нова студија сугерира дека светлосната терапија може да го ублажи тој замор.
Кога пациентите со мултипла склероза седеле пред расветна кутија по 30 минути дневно во текот на две недели, тие биле помалку уморни и пријавиле повеќе енергија од пациентите кои седеле пред придушено црвено светло.
Како точно светлината помага во ублажувањето на заморот не им е сосема јасно на научниците.
Се претпоставува дека светлосната терапија поттикнува концентрација и будност во текот на денот и ја зголемува достапноста на серотонин и норадреналин во мозокот; а познато е дека и двата невротрансмитери се одговорни за регулирање на расположението и мотивацијата.
За ефикасна светлосна терапија се препорачува осветленост од 10.000 лукси.
Ублажувањето на заморот прави голема разлика во квалитетот на животот на луѓето со мултиплеа склероза, истакнуваат научниците.
Извор: Multiple Sclerosis Journal – Experimental, Translational and Clinical
