Се што ќе изедеме и испиеме поминува преку нашиот црн дроб. Токму затоа овој орган ги трпи и ги впива сите наши лоши навики во исхраната и со својата работа го штити нашето тело. Ако сакате да направите добра работа за вашето тело, а со тоа и за вашиот црн дроб, дознајте како да го одржите здрав и со што да го „исчистите“. Одговорот следува подолу.
Имено, масната и пржена храна, нездравите пијалаци, алкохолот и лековите се главните непријатели на нашиот црн дроб, кој во телото има функција на филтер, кој го чисти организмот од штетни состојки. Но, токму поради напорната работа којашто ја извршува, црниот дроб може да биде многу оптоварен, што може да предизвика здравствени проблеми.
-
Бидејќи црниот дроб не е поврзан со нашиот нервен систем, заболениот црн дроб нема да предизвика болка, па со самото тоа е многу тешко да се открие болеста. Но, добрата вест е дека црниот дроб се регенерира и речиси секоја штета може да се поправи.
Намирници кои го чистат црниот дроб
Лук – поттикнува создавање на ензими кои му помагаат на телото да ги исфрли токсините.
Цитрусно овошје – богати со витамин Ц, цитрусите се моќен антиоксидант, кој му помага на црниот дроб побрзо да ги апсорбира штетните материи.
Цвекло и моркови – богати се со флавоноиди и бета каротен. Го стимулираат црниот дроб и ја подобруваат неговата работа.
Зелен чај – состојката катехин со која изобилува овој чај е силен антиоксидант кој го чисти организмот.
Зелен лиснат зеленчук – спанаќ, кељ, блитва и салата се преполни со хлорофил и се многу ефикасни во неутрализирањето и исфрлање на токсините од крвотокот.
Ананас – преполн е со витамин Ц и делува како природен диуретик, кој го ослободува телото од отрови.
Нане – ливчињата нане се богати со флавоноиди кои дејствуваат како моќен антиоксидант.
Ѓумбир – многу моќен антиоксидант, кој го забрзува метаболизмот и помага при чистење на маснотии од телото.
Ореви – содржат голема количина на омега-3 масни киселини и аминокиселини кои го забрзуваат процесот на детоксикација.
Зелка – исто како брокулата и карфиолот, зелката силно делува на ензимите на црниот дроб кои ја регулираат и забрзуваат неговата работа.
