Станува збор за воспалителна болест со трајно стеснување на дишните патишта, која често останува занемарена и долго недијагностицирана се до сериозно влошување. Дополнителни ризик фактори, истакнуваат пулмолозите, се прекумерна телесна тежина, дијабетес и кардиоваскуларни болести, додека КОВИД-19 пандемијата дополнително го зголемила ризикот на заболените за тешки компликации и смртност.
Лицата со ХОББ кои ќе се заразат со вирусот SARS-CoV-2 имаат зголемен ризик од тешки компликации и поголема смртност од КОВИД-19, бидејќи оваа болест дополнително го оштетува веќе загрозениот систем за дишење.
Официјални бројки за бројот на заболени, но и починати со дијагноза ХОББ во земајава нема, но светските анализи покажуваат дека секој петти заболен со хронична белодробна опструктивна болест кој ќе заврши во болница, за жал и ќе почине во период од една година. Повеќе од 40% од пациентите со ХОББ страдаат и од влошувања во текот на три години, и покрај препишаната терапија за одржување.
“Егзацербациите, односно акутните влошувања, го намалуваат квалитетот на живот и влијаат на предвремената смртност, поради што нивната превенција е од животна важност за болните. Само едно влошување на ХОББ, може да ја дуплира стапката на пад на функциите на белите дробови и за 21% и да го зголеми ризикот од идни хоспитализации. Се зголемува ризикот од кардиоваскуларни компликации, како инфаркт и мозочен удар. Факт е дека повеќето заболени од ХОББ ќе доживеат езгацербации, но голем дел од нив често тоа не го пријавуваат на својот лекат, со што се намалува квалитетот на нивниот живот и се зголемува можноста за предвремена смртност. Поради тоа, превенцијата на оваа белодробна болест е од животна важност“, потенцираат пулмолозите.
“Поради големото влијание на смртноста, намалувањето на ризикот од егзацербации е приоритет во лекувањето на ХОББ. Доволно раната дијагноза, тераписката интервенција и соработката на пациентите ќе влијае на позитивен исход на болеста. Дополнително, со избегнувањето цигари и зачадени простории, редовна физичка активност, редовна коминикација со лекарите, како и исклучително важно – вакцинирањето против КОВИД-19, грип и пневмокока, заболените можат да го намалат ризикот од компликации и смртност што ја носи оваа воспалителна хронична болест’, вели академик Мирослав Самарџија, пулмолог.
СИМПТОМИ НА ХОББ
Потребно е околу 20 години пушење по една кутија цигари дневно до појава на првите проблеми: хорнична кашлица која трае подолго од три недели, често се повторува, или пак се јавува како ‘обична’ утринска кашлица со искашлување кое обично погрешно се толкува како знак на активна борба на организмот и своевидно чистење, а всушност несоменено е знак за една од најважните компоненти на болеста – хроничен бронхитис.
Значи, најважен показател е секојдневна кашлица со искашлување во тек на барем три месеци, наназад две години, а овие се останатите симптоми:
- Немање воздух (задишување) при физички активности
- Свирење во градите
- Притисок во градите, особено при напор
- Сина обоеност на усните или ноктите
- Чести инфекции на системот за дишење
- Губење на енергија, безволност и замор
- Неволно слабеење
