Ракот, заедно со кардиоваскуларните болести е водечки глобален јавноздравствен проблем и претставува значаен здравствен, економски и социјален товар во многу земји во светот. Според проценките од глобалната здравствена статистика за ракот (GLOBOCAN 2020), бројот на новозаболени од рак во 2020. во светот достигна 19,3 милиони, додека бројот на починати е зголемен на 10 милиони.
Се смета дека речиси 40% од случаевите на рак може да се спречат и тоа со ефикасни превенциски стратегии. Кога се зборува за ракот, лекарите наведуваат дека речиси половина од смртноста од рак во Европа може да се избегне и тоа со придржување на 12 едноставни препораки од Европскиот кодеск против ракот.
ВЕ ПОТСЕТУВАМЕ ЗА КОИ 12 ЧЕКОРИ СЕ РАБОТИ!
- Не пушете. не уживајте во тутунските производи.
- Не дозволувајте пушење во вашиот дом. Поддржете политика на непушење на работното место.
- Одржувајте здрава телесна тежина.
- Бидете физички активни во секојдневниот живот. Ограничете го времетошто го поминувате седејќи.
- Хранете се здраво:
♥ Јадете што повеќе интегрални житарки, мешунки, зеленчук и овошје.
♥ Ограничете го внесот на висококалорична храна (храна богата со шеќер и мести) и избегнувајте засладени пијалаци.
♥ Избегнувајте сувомеснати производи; ограничете го внесот на црвено месо и храна со висок процент на сол.
- Ако консумирате било каков алкохол, бидете умерени. Неконсумирањето алкохол го намалува ризикот од рак.
- Избегнувајте прекумерно изложување на сонце, особено децата. Употребувајте заштитита од сонце. Не се сончајте во солариуми.
- Почитувајте ги здравствените и безбедносни упатства на работното место за да се заштитите од материи кои предизивкуваат рак.
- Дознајте дали во вашиот дом сте изложени на зрачење од природно високи нивоа на радон. Превземете мерки за намалување на високите нивоа на радон.
- За жените:
♥ Со доењето мајката го намалува својот ризик од појава на рак. Ако можете, дојте го вашето дете.
♥ Со хормонската заместителна терапија се зголемува ризикот од одредени видови на рак. Ограничете го траењето на хормнската заместителна терапија.
- Вклучете го вашите деца во програмата за вакцинирање против:
♥ Хепатитис Б (за новороденчиња)
♥ Хуман папилома вирус – ХПВ (за девојчиња)
- Учествувајте во организираните програми за рано откривање на рак:
♥ Дебело црево (мажи и жени)
♥ Дојка (жени)
♥ Рак на грлото на матката (жени)
Оваа година, Светскиот ден за борба против ракот се одбележува под мотото “Да ја надминеме нееднаквоста во грижата за ракот“.
Знаеме дека секој од нас има различни можности и способности, некој поголеми, некој помали но, заедно можеме да направиме вистински напредок во намалувањето на глобалното влијание на ракот.
Овој 4 февруари ве повикуваме, кој и каде и да сте, да ја одиграте својата улога во создавањето свет без рак.
