Британската нутриционистка Џо Траверс истакнува дека свинската маст содржи т.н. „добри“ мононезаситени масти, кои претходно се сметаа за штетни. Таа смета дека овие масти може да бидат поздрави од путерот.
„Свинската маст содржи многу мононезаситени масти, кои се многу здрави за срцето”, вели таа.
„Тоа се масти кои ни се потребни во исхраната и кои се поважни од путерот. Затоа, нема ништо погрешно во користењето на свинска маст во исхраната.“
Чистата свинска маст не содржи транс масти, што не може да се каже за повеќето други масти, кои може да се најдат во продавниците. И покрај фактот дека вакви тврдења за свинската маст се повеќе може да се слушнат, официјалните здравствени институции во Велика Британија препорачуваат поздрави алтернативи.
Овие препораки главно се базирани на исфрлањето од употреба на продукти кои содржат заситени масти и консумирање на храна која содржи незаситени масти, но во помали количини.
„И путерот и свинската маст содржат висок процент на масти. Разликата меѓу нив е тоа што свинската маст се состои од 50 проценти мононезаситени масти, кои во путер ги има околу 32 проценти. Што значи организмот добива нешто повеќе есенцијални масти од свинската маст, но ако сепак се уште ужива во путер – само повелете“, вели нутриционистката Рајан Ламберт.
