Сврбежот на анусот често е интезивен, непријатен и може да биде придружен со силен порив за чешање. Интензивниот сврбеж може да биде предизвикан од бројни причинители, вклучително и влага, иритација од облека и долготрајно седење. Се јавува кај многу личности, па затоа не се срамете да побарате лекарска помош.
Со правилен третман може да се постигне потполно олеснување на симптомите. Чешањето е поврзано со слични симптоми кај сите, вклучително и печење, чувствителност и болка во анусот. Кај децата може да биде предизвикан од глисти.
ПРОКТИТИС – воспаление на анусот – слузницата на ректумот
Сврбежот и иритацијата можат да бидат привремена состојба, но понекогаш овие симптоми можат да бидат зачестени. Кај некои личности иритацијата е толку интензивна што поривот за чешање е неодолив. Сврбежот и иритацијата на анусот можат да бидат последица на воспаление на анусот. Воспалението или проктитисот е воспаление на површината на ректалната слузница. Воспалението на анусот може да биде упорна појава.
Проктитисот или воспалението на слузницата најчесто се јавува како последица на Кроновата болест или улцерозниот колитис.
Овие болести, исто така, можат да предизвикаат печење на анусот после голема нужда. Проктитисот може да предизвика безболни крвавења од ректумот. Ако причината лежи во гонореа или херпес – анусот и ректумот можат да бидат исклучително болни. Ако лекарот се сомнева на проктитис ќе го прегледа ректумот и ќе земе примерок од слузницата. Лабораторискиот наод ќе открие присуство на габи, бактерии или вируси кои може да бидат причина за воспаленија на анусот. Понекогаш меѓутоа потребно е да се обави колоноскопија или рендгенски преглед затоа што чешањето може да биде поврзано и со некои посериозни и потешки заболувања. Проктитисот најдобро се лекува со антибиотици.
Кога да се појде на лекар?
Во повеќето случаи на сврбеж на анусот не е потребна лекарска помош, но појдете на лекар ако:
- Аналниот сврбеж трае подолго од неколку недели или е интензивен;
- Не можете да сфатите што е причината за чешањето.
Упорното чешање на анусот може да биде поврзано со здравствени проблеми кои бараат лекување.
Продолжува – Сврбеж на анусот – причини за појава и лекување (2 дел)
