Причини за појава на сврбеж
Во повеќето случаи сврбежот на анусот е безопасен, но тоа не значи дека не може да биде знак за посериозен здравствен проблем.
Можни причини за сврбежот се:
Сува кожа – може да предизвика траен, интензивен сврбеж на анусот.
Премногу влага – влагата околу анусот заради претерано потење или влажна, леплива столива може да ја иритира кожата.
Фекална инконтиненција – сврбежот може да биде предизвикан од чест пролив или неконтролирано испуштање на мало количество столица (фекална инконтиненција).
Претерано миење – претераното бришење со сува и груба тоалетна хартија или претерано миење со сапун може да предизвика или да го влоши сврбежот на анусот, како и недоволно измиените остатоци од сапун.
Прекумерна употреба на лаксативи – претераното или неправилно користење на лаксативи може да доведе до хроничен пролив и да го зголеми ризикот од анална иритација и сврбеж.
Хемиски иританси – одредени сапуни, мириси и контрацепциски производи содржат хемикалии кои можат да ја иритираат кожата околу анусот. Мирисната тоалетна хартија или хартијата во боја може да предизвикаат иритација кај личностите со чувствителна кожа.
Болести на кожата – вообичаени кожни проблеми, како што се псоријаза, себореа и екцеми, можат да предизвикаат иритација на кожата околу анусот.
Габични инфекции – обично ги погодуваат жените и можат да предизвикаат иритација на гениталното и аналното подрачје.
Хемороиди – се набрекнати вени кои се наоѓаат непосредно под мембраната која го обложува најнискиот дел од ректумот и анусот. Тие најчесто се јавуваат како последица од напрегањето за време на празнењето на цревата. Сврбежот на анусот може да биде симптом на хемороиди.
Анални абразии, пукнатини и фистули – аналната абразија е мала пукнатина во анусот, обично предизвикана со присилно празнење на цревата низ тесниот анален отвор. Аналната фисура е подлабока пукнатина додека аналната фистула има мал тунел кој се поврзува со претходно заразената анална жлезда на кожата на задникот надвор од анусот. Сите три состојки може да предизвикаат сврбеж, како и болни столици и крвавења.
Иританси во исхраната – аналниот сврбеж може да биде резултат на иританси во некои намирници, како што се оние во зачините и топлите сосови. Исто така, некои намирници можат директно или индиректно можат да го иритираат анусот за време на празнењето на цревата. Вообичаените виновници го вклучуваат чоколадото, алкохолот, доматите и агрумите. Консумирањето на одредени пијалаци, вклучително и млекото или кофеинот, може кај некои личности да предизвика пролив или анален сврбеж.
Лекови – сврбежот може да биде и нуспојава на некои лекови, вклучително и некои антибиотици, кои можат да предизвикаат чест пролив.
Инфекции – полово преносливите болести, исто така, можат да го вклучуваат и анусот и да предизвикаат сврбеж на овој дел од телото.
Анален тумор – ретко, бенигните или канцерогени тумори можат да бидат причина за појава на сврбеж.
Останати причини – аналниот сврбеж може да биде поврзан со анксиозност или стрес. Понекогаш причината може да биде неодредена.
Сврбежот на анусот речиси никогаш не е проблем на хигиената. За него можат да придонесат чешањето кое го отстранува површинскиот слој на кожата, т.е. претераното миење, кое предизвикува отстранување на природниот зашитен слој.
Лекување на сврбежот на анусот
Лекувањето зависи од причинителот на проблемот. Може да вклучува мерки на самопомош, измена на исхраната, лекување инфекции или ретко, хируршко лекување на темелниот проблем. Лекови кои би можеле да помогнат го вклучуваат следното:
- Крема или маст која содржи хидрокортизон;
- Заштитна маст која содржи цинков оксид;
- Антихистамини;
Со правилен третман повеќето личности ќе почувствуваат олеснување на симптомите за помалку од една недела. Сврбежот на анусот кој трае подолго од неколку недели би требало да го процени лекар.
Самопомош кај сврбежот на анусот
Превенцијата главно вклучува исправна хигиена и одбегнување иританси.
Ако веќе имате сврбеж на анусот, можете да ги пробате следните методи на самопомош:
- Нежно чистете го зафатеното подрачје – измијте го зафатеното подрачје наутро, пред спиење и веднаш после столица. Но одбегнувајте користење сапун и груби движења. Место тоа користете мокар пешкир, мокра тоалетна хартија, влажни марамчиња или памучна вата натопена со вода за да го исчистите делот.
- Темелно исушете – после чистењето подрачјето исушете го со тоалетна хартија, пешкир…
- Правилно користете креми или масти – секогаш нанесете ги штедливо и претходно консултирајте се со лекар затоа што кај некои личности кремите и мастите можат да предизвикаат иритација.
- Одбегнувајте чешање и гребење – ова дополнително ќе ја иритира кожата и ќе доведе до трајни воспаленија. Ако не можете да го поднесете чешањето, ставајте ладни облоги.
- Одбегнувајте тоалетна хартија која содржи боја или парфеми – место тоа се препорачува обична тоалетна хартија (пожелно е што е можно помека), како и влажни марамчиња.
- Носете памучна долна облека и широки алишта.
- Одбегнувајте иританси – вклучително и сапуни и генитални дезодоранси, пијалаци и храна кои го иритираат аналното подрачје, како и прекумерно користење лаксативи, кои го зголемиваат проливот и ризикот од анална иритација и сврбеж.
