Светската здравствена организација (СЗО) вчера ги ажурираше своите насоки и препорача владите да го поттикнат населението на носат маски на јавни места каде постои ризик за трансмисија на коронавирусот.
Во новите насоки, кои беа поттиканти од резултатите на неколку студии спроведени последните неколку недели, СЗО нагласува дека маските се само една во низата алатки кои можат да го намалат ризикот од трансмисија, но не треба да пружаат лажно чувство на безбедност.
“Ги советуваме владите да го поттикнат населението да носат маски. Поточно, да носат маска од ткаенина, односно немедицинска маска“, изјави во интервју за Ројтерс Марија ван Керхов, технички директор на СЗО за коронавирусот.
Сега, додава таа, имаме докази од истражување дека, ако се постават исправно (маските) може да бидат бариера за потенцијално заразните капки.
СЗО претходно советуваше дека нема доволно докази за (не)ефикасноста на маските. Оттаму препорачуваа маски да носат само болни лица, и оние кои се грижат за нив.
