Во најновото изменето издание на меѓународниот прирачник за класификација на болести, СЗО во понеделникот објави дека класифицирањето „пореметување од играње игри“ како посебна состојба, ќе им послужи на земјите да бидат поподготвени да го идентификуваат тој проблем.
Директорот на Одделението за ментално здравје на СЗО, Шехар Саксен изјави дека ОН го прифатиле предлогот „пореметувањето од играње игрици“ да се вброи во ново заболување на основ на научни докази, иако во многу делови во светот се укажува потреба и побарувачка за лекување на ова пореметување.
Потегот на СЗО е поздравен од поголем процент од лекарите, кои наведуваат дека е критична состјбата и треба што побрзо да се идентификуваат зависниците од видеоигри, бидејќи вообичаено тоа се тинејџери или млади луѓе кои сами не барат помош.
„Наидуваме на родители кои се растроени не само поради тоа што детето им го напушта училиштето, туку поради распаѓање на целата семејна структура“, вели Хенриета Боуден-Џоунс од Британскиот кралски колеџ на психијатри.
Зависноста од игри, додава таа, најдобро се лекуваат со психолошки терапии, а понекогаш и со лекови.
Според д-р Марк Грифитс, кој 30-тина година го истражува концептот на „пореметувањер од играње игри“ новата класификација ќе допринесе проблемот да се легитимира и да се зајакнат стратегиите на лекување.
„Играњето видеоигри од психолошка страна е еден вид на коцкање без пари. Коцкарите ги користат парите како начин на мерење на успехот, додека во игрите се користат поени“, појаснува тој.
