Светската здравствена организација (СЗО) вчера вечер објави ажуриран план за КОВИД-19, наведувајќи три можни сценарија за развој на пандемијата до крајот на оваа година, а нејзиниот прв човек верува дека најверојатно е она дека сериозноста на оваа болест со тек на времето ќе се намалува.
“Врз основа на она што сега го знаеме, најверојатно сценарио е дека вирусот кој предизвикува КОВИД-19 ќе продолжи да се развива, но дека сериозноста на болеста што ја предизвикува ќе се намали со тек на времето поради зголемување на имунитетот добиен со вакцинирање и прележување“, изјави главниот директор на СЗО, Тедрос Аданом Гебрејесус.
Ажурираниот План за стратешка подготвување, подготвеност и одговор ги прикажува стратешките прилагодувања што треба да ги направи секоја земја во однос на ширењето на коронавирусот, намалувањето на влијанието на КОВИД-19 и завршувањето на глобалната вонредна состојба.
Сепак, директорот на СЗО предупреди дека повремени испади на бројот на случаи и смртни исходи може да се случат кога имунитетот ќе падне, што би можело да наложува периодични бустер дози за чувствителното население.
Зборувајќи за второто и третото сценарио, Тедрос изјави дека или ќе се појавуваат помалку сериозни варијанти, па бустер дозите и новите вакцини нема да бидат потребни или дека ќе се појави повирулентна варијанта, па заштитата од претходно вакцинирање или инфекција нема да биде доволна.
Ова е трет План за стратешка подготовка и одговор на СЗО и Тедрос верува дека ќе биде и последен. Првиот план беше објавен во февруари 2020., на самиот почеток на пандемијата.
