Медитеранската исхрана главно се фокусира на внесот на маслиново масло, како важен извор на корисни масти, и е единствена во светот на која Светската здравствена организација досега не и нашла мана! Едноставно таа е најздрава од сите!
Ова се основните начела до кои се придржува медитеранската исхрана, како и намирниците кои се одбегнуваат во широк лак.
Медитеранскиот регион е познат по своите здрави рецепти и навики во исхраната кои се сезонски, традиционално приготвени и од сосема природни производи. Начинот на исхрана врзан за овој регион е проучуван од разни студии уште во 70-те години на минатиот век, а заклучоцоите се дека популацијата која живее во Средоземјето има ниска стапка на гојазност и хронични болести како што се дијабетес, срцеви заболувања и зголемен холестерол.
Медитеранската исхрана подразбира житарки, мешунки, грав, зеленчук, овошје и риба. Кујната од делот околу Средоземното Море поттикнува да се јаде помалку црвено месо и производи од него затоа што имаат висок процент на масти, калории и холестерол. Како традиционален начин на исхрана медитеранскиот внес на храна во телото го намалува процентот на холестерол и го одржува стабилно нивото на крвен притисок без лишување на телото од различни важни хранливи материи кои му се потребни.
Медитеранската храна подразбира:
- Да се пијат мали количества јогурт и да се јадат одредени видови сирење затоа што содржат калциум;
- Консумирање интегрални житарки и скроб, како што се тестенини, леб, ориз, булгур, компири;
- Употреба на риба која обично се јаде или на скара или варена, се јаде повеќе пати неделно, а најмногу се препорачува туна, лосос или скуша, додека треба да се одбегнува пржена риба;
- Неколку пати неделно да се јадат варени јајца;
- Да се јаде црвено месо, но не повеќе од еднаш неделно;
- Да се јадат две вегетаријански јадења барем еднаш неделно;
- Консумирање ралзични видови мешунки, зеленчук, лековити билки, житарки, свежо овошје, за да се намали ЛДЛ холестреолот во организмот, што доведува до губиток на тежината;
- Обавезни се оревите затоа што содржат голем процент на масти, а освен нив пожелни се и лешниците и бадемите, со предупредување дека не треба да се претерува;
- Да се јаде барен зеленчук;
- Секогаш да се користи маслиново масло, место путер и други масла;
- Да се јаде свежо овошје место слатки;
- Да се пие кафе и чај без шеќер и умерено.
Намирници кои ги нема на менито на медитеранската кујна:
- Преработена храна;
- Пржена храна (помфрит, пилешки крилца, се што е пржено во длабока маснотија);
- Брза храна (печива, скара, хамбургери, пица);
- Пијалаци со висок процент на шеќер, како што се разно-разни газирани безалкохолни пијалаци и нивните диететски варијанти, како и индустриски произведени сокови;
- колбаси, хамбургери, сланина (месни преработки);
- Торти и колачи;
- Висококалорични преработки од месо.
