Најмалку 17 милиони Европјани ниле погодени од долг КОВИД во 2020 и 2021, проценува Светската здравствена организација (СЗО), која повикува на подобра грижа за тие пациенти.
Тоа е повеќе од 16 проценти од 102,4 милиони заразени со коронавирус во првите две пандемии во 53 земји, наведуваат од СЗО.
Замор, кашлица, отежнато дишење, повремено покачена телесна температура, губење на вкус и мирис и депресија се некои од симптомите на долг КОВИД-19, кои обично се појавуваат во првите три месеци по инфекцијата и траат најмалку два месеци.
“Два милиони луѓе во нашиот регион, во Европа и Централна Азија, страдаат од исцрпувачки симптоми со месеци по првичната инфекција со КОВИД-19. Тие не смеат да продолжат да страдаат во тишина“, вели во соопштението, регионалниот директор на СЗО, Ханс Клуге.
“Владите и здравствените партнери мора да работат заедно за да најдат решенија“, нагласи тој, истакнувајќи “итна потреба од понапредни анализи, повеќе инвестиции, поголема поддршка и поголема солидарност со оние кои страдаат од оваа болест“.
Долгиот КОВИД погодува двојно повеќе жени, според СЗО, чии проценки се засноваат на пресметките на Институтот за здравствена метрика и евалуација (IHME).
Според Институтот, речиси 145 милиони луѓе во светот биле погодени од долг ковид во 2020 и 2021 година.
