Светската здравствена организација (СЗО) предупреди на можно ширење на мајмунските сипаници на фестивалите и останатите големи собири планирани за ова лето во Европа.
“Потенцијалот за понатамошно ширење на вирусот во Европа и на други места, ова лето е висок“, изјави Ханс Хенри Клуге, регионален директор на СЗО за Европа.
Клуге смета дека фестивалите и останатите случувања планирани за следните неколку месеци може да бидат можност и за “подигање на свеста и зајакнување на заштиттата на поединците и заедницата“, меѓу младите кои се сексуално активни и глобално мобилни.
Тој тврди дека досегашните истраги сугерираат дека епидемијата во Европа трае од средината на април. Ова е бројчано и географски најголемото ширење на овој вирус надвор од Западна и Централна Африка, подрачја каде што мајмуниските сипаници се ендемични.
Клуге смета дека за брзото ширење на мајмунските сипаници во Европа во последните неколку месеци придонело и укинувањето на рестрикциите поврзани со пандемијата на коронавирус. Иако голем број досегашни инфекции се поврзани со сексуална активност, Клуге нагласува дека вирусот може да зарази секого.
“Бидејќи вирусот не се шири на ист начин како и КОВИД-19, немаше потреба за воведување на јазни здравствени мерки како што беше случај за време на пандемијата со коронавирусот“, изјави Клуге.
“Но, особено е важно да се нагласи дека се уште не знаеме дали ќе можеме целосно да го потиснеме ширењето на вирусот“, додаде тој.
