“Да бидам искрен, премногу земји се движат во погрешна насока,а вирусот останува јавен непријател број еден“, порача директорот на СЗО, Тедрос Аданом Гебрејесус.
“Доколку не се почитуваат основите правила, оваа пандемија ќе станува се полоша и полоша“, додаде тој.
Вчера, бројот на заразени со новиот коронавирус во светот ја надмина бројката од 13 милиони, со повеќе од половина милион смртни случаи.
“Во догледно време нема да има враќање на поранешното нормално. Има уште многу причини за загриженост“, предупреди Гебрејесус.
Шефот за итни состојби на СЗО, Мајк рајан изјави дека нивниот тим пристигнал во Кина за да го истражи потеклото на вирусот и дека моментално, согласно процедурите, се наоѓа во карантин, по што ќе почне да работи со кинеските научници.
“Животот не може да тече нормално, со овој проблем мора да се соочиме, а не да ја вртиме главата од него. Ако луѓето продолжат да посетуваат места кои се преполни со луѓе, без превземање на мерки на превенција и заштиа, коронавирусот и натаму ќе се пренесува“, потеницра Рајан.
