Кога сме тажни, најчесто сакаме да спиеме, да лежиме во кревет, да читаме книга или гледаме тажни филмови. Но, некои луѓе тогаш остваруваат значајни деловни резултати, покажала студија направена во Универзитетот во Ватерлу.
Станува збор за екстроверти кои нерасположението ги тера да бидат попродуктивни, пофокусирани, попаметно да го организираат времето и да воспостават приоритет над задачите. Интровертите, од друга страна, подобро да не работат ништо кога не се расположени.
Научниците анализирале 95 испитаници кои се бореле со стресот. Ги поделиле во две групи, екстроверти, кои имаат брзи и интензивни реакции, и интроверти, кои се поспори и посмирени. Екстровертите подобро поминале на тестовите за продуктивност кога биле нерасположени, додека интрорвертите, лошото расположение дополнително ги пореметило во извршувањето на задачите.
Не може со сигурност да се каже зошто тоа е така, но научниците шпекулираат дека екстровертите повеќе се навикнале на негативните емоции, па тие не ги кочат во извршувањето на секојдневните задачи.
