Крвната група открива зошто делуваме на одреден начин. Секој човек наследува поинаква крвна група – А, Б, АБ, и О (која понатаму се разликува како негативна и позитивна), а со помош на анализа на крвната група можно е да се направи веродостоен психолошки профил на личноста.
Јапонците, на пример, во секојдневниот живот применуваат метода на анализа на крвната група. Во 1930. година, јапонската професорка Токеји Фурукава објавила свој труд во кој наведува дека луѓето кои имаат иста крвна група (А, Б, АБ и О, нема разлика меѓу негативна и позитивна), делат многу слични карактерни особини.
Од тогаш крвната категоризација се нарекува кетсуеки – гата, и станала цврсто вкоренета во јапонската култура. Наместо астролошки хороскоп, повеќето луѓе го користат овој метод кога ги бираат идните партнери. Од средината на 20. век, на Запад се спроведувале истражувања кои ја поврзуваат крвната група со личното здравје.
Еве што науката и кетсуеки – гата откриле за секоја крвна група.
Крвна група А
Ако имате крвна група А, вие поседувате фантастични особни, според кетсуеки-гата. Сериозни сте, креативни, паметни, резервирани, трпеливи и одговорни. Понекогаш сте малку тврдоглави и ретко дозволувате работите да се кршат преку вашиот грб. Силни сте и стабилни. Многу тешко ги искажувате чувствата и се плашите да им се препуштите. Ви недостасува одважност и тоа прилично ви штети. Романтична душа сте. Во љубовта сте најкомпатибилни со лица кои имаат крвна група А и АБ.
Крвна група Б
Ако имате крвна група Б, вие сте страствени, активни, креативни и силни. Практичен човек сте и повеќе сакате да си ја одработите работата и да ја доведете до крај, отколку да сонувате. Понекогаш сте помалку импулсивни и неодговорни и тешко им простувате на луѓето. Прилагодливи сте и флексибилни. Имате авантуристички дух. Преокупирани сте со сегашноста и не ве загрижува многу она што допрва треба да се случи, но еднаш кога ќе се вљубите, за вас веќе никој друг не постои. Во љубовта сте најкомпатибилни со лицата кои имаат крвна група Б и АБ.
Крвна група АБ
Ако имате крвна група АБ, вие сте смирена, рационална и прилагодлива личност. Исто така, може да бидете критични и неодлучни. Некои луѓе дури мислат дека имате двојна личност. Понекогаш ви е потребно малку повеќе време за да прифатите некои работи. Вие живеете во склад со своите чувства. Заради тоа, понекогаш може да делувате наивно. Може да пронајдете сродна душа во било која крвна група.
Крвна група О
Ако имате крвна група О, вие сте човек полн со самодоверба и оптимизам. Имате силна волја и многу развиена интуиција. Друштвени сте и често сте во центарот на вниманието. Сепак, знаете да бидете и опседнати сами со себе. Исто така може да бидете студени и непредвидливи. Во љубота се однесувате како и на работа: темелни сте и упорни, без комплекси, настапувате отворено и сигурно. Најкомпатибилни сте со луѓето кои имаат О и АБ крвна група.
