Порано жените кои имале проблем со зачнувањето својот “очај” го лекувале со оваа билка, па затоа таа оттогаш до денес го задржала називот “очајница”. Валеријаната или мацината трева (во народот уште позната и како очајница) е доста присутна во народна медицина, но нејзината најчеста употреба е со цел лекување на неплодноста кај жените. Инаку, уште се употребува и против настинка, асма, бронхитис, исто така, благотворно влијае и при несоница, но служи и како облога за побрзо зараснување на раните.
Рецепт за чај за зачнување
Потребно:
- 200 г валеријана/мацина трева
- 100 г ајдучка трева
- 100 г вркута (позната и како бисерок и моминска наметка)
- 50 г тегавец
- 50 г здравец
Начин на приготвување: Прелијте пет супени лажици од оваа смеса со еден литар вода што врие и оставете да отстои, еден час. Процедете и пијте полека, во мали голтки, во текот на целиот ден. За време на периодот на менструација не треба да го пиете чајот. Доколку чајот го пиете заради неплодност не правете никаква пауза, значи, пијте го цел месец, секој ден. После тоа треба да направите пауза од еден месец, па повторно консумирајте го еден месец и се така додека не забремените. Штом забремените престанете да го користите чајот. Чајот од мацина трева може да биде од корист и кога се во прашање менструалните болки, како и нередовниот циклус.
