Тапиока е вкусен скроб кој се добива од растението Касава. Има потекло од Јужна Америка, бојата на растението касава е кафена, а внатрешноста бела. Индијанците од него правеле леб и пијалаци, многу внимателно се подготвувале, бидејќи племињата, на посебни обреди, уживале во неговото дејство како опиум. Денес се употребува најчесто како згуснувач и од брашното се подготвува вкусен леб. Ова е идеален производ за луѓето кои се нетолерантни на глутен или имаат целијакија.
Тапиоката денес е распространета во целиот свет, таа има уникатен состав од јаглехидрати, минерали, влакна, протеини, витамини и органски соединенија. Таа има ниско ниво на заситени масти, натриум и холестерол. Тапиоката е богатство од пантотенска киселина, витамин Б6, фолна киселина, бакар, селен, калциум, магнезиум, железо.
Бакарот и железото во тапиоката ги зголемуваат црвените крвни клетки и на тој начин го намалуваат ризикот од анемија.
Тапиоката ја нормализира телесната тежина и помага при слабеење на брз, едноставен и здрав начин. Јаглехидратите во неа овозможуваат исхрана која не содржи штетни заситени масти и холестерол. Лицата кои ја имаат намалено својата телесна тежина, поради болест, повреда, операција или пореметување во исхраната (анорексија), треба да почнат да ја употребуваат тапиоката и да ја вратат сопствена тежина.
Тапиоката содржи витамин Б комплекс и фолна киселина. Ова е од клучно значење за спречување на дефекти на невралната туба кај бебињата.
Растителните влакна се од клучно значење за здравјето на дигестивниот систем. При употреба на тапиоката, ќе заборавите на затвор, надуеност, болки во цревата, а може да спречи и појава на рак на дебелото црево. Холестеролот ги уништува ѕидовите на артериите и крвните садови, кои можат да придонесат за срцев удар, но влакната кои се содржани во тапиоката можат да го спречат тоа.
