Телевизијата е најлоша дадилка: Родители дружете се со децата!

Зависноста од телевизија кај децата главно е последица на недоволната комуникација и пореметување на поврзаноста меѓу нив и родителите. Препуштањето на децата од мали на „телевизиско воспитување“ би можело подоцна да има негативни последици на нивниот емотивен и општествен развој.

Мошне важно за детето е родителите да му ги ограничат содржините на телевизија и тоа да разговара со нив за вознемирувачките сцени кои ги видело, како и да му понудат свое објаснување, но и свој став за тоа. Родителите треба да знаат дека децата најмногу учат на нивниот пример, а со оглед дека веќе од 14 месец почнуваат да го имитираат она што го гледаат на ТВ-екраните, важен фактор на растењето е токму нивната одговорност: проценката колку често и долго децата ќе гледаат телевизија треба да ја донесат родителите. Целта би требало да биде поминување квалитетно време со децата, а не да се дозволи телевизиската програма да ги воспитува. Затоа што секое дружење, игра и воопшто секоја комуникација со своето дете, но и секоја негова дружба со врсниците повеќекратно ќе возврати.

Препораки за родителите

  1. Времето кое детето го поминува пред телевизор, особено кога е мало, ограничете го на час до два;
  2. Јасно нагласете во кои ситуации НЕ СЕ ГЛЕДА телевизија;
  3. Посветете внимание на програмата и содржините кои ги гледа детето;
  4. Одбегнувајте користење телевизија со цел окупирање на вниманието на детето, односно како дадилка;
  5. Никогаш и никако не ставајте телевизор во детската соба;
  6. Телевизорот нека биде исклучен за време на оброкот и тоа време искористете го за разговор и дружење;
  7. Не дозволувајте телевизијата да биде центарот на случувањата во вашата куќа;
  8. Со разговор и коментари за содржината обидете се да го следите она што го гледаат и набљудувајте што им привлекува внимание;
  9. Обидете се и самите што е можно помалку да гледате телевизија затоа што децата најмногу учат имитирајќи ги родителите.