Резултатите од неодамнешната студија предупредуваат на негативните ефекти на секојдневното, повеќечасовно гледање телевизија врз здравјето. Имено личностите кои гледаат телевизија од 2 до 4 часа дневно имаат за 54 % поголем ризик од појава на Алцхајмерова болест.
Тим на научници од Универзитетот Квинсленд во Австралија спровел истражување во кое учествувале 9000 возрасни лица. Во текот на 12 години, научниците ја следеле здравствената состојба на испитаниците кои ги распоредиле во три групи – испитаници кои гледаат телевизија 2 часа дневно, 2 до 4 часа дневно и повеќе од 4 часа дневно.
На крајот на истражувањата авторите на студијата заклучиле дека со секој дополнителен час кој го поминуваме пред телевизорот ризикот од смрт како резултат на болести како што се Алцхајмеровата болест, астмата, бубрежните заболувања и дијабетесот се зголемува за 12 проценти.
Една постара американска студија, исто така, покажала дека личностите кои гледаат телевизија повеќе од 4 часа дневно имаат поголем ризик од Алцхајмерова болест подоцна во животот.
