Ако некогаш сте имале уринарна инфекција знаете колку може да биде болно. Но ако сте од оние среќници кои никогаш не се соочиле со ваков проблем, треба да знаете дека не постои ништо што може да се спореди со чувството дека ви се оди во тоалет, иако всушност тоа и не морате да го правите.
Што ако ви кажеме дека телото може да ве предупредува со часови, а понекогаш дури и со денови на можноста дека ќе добиете некоја уринарна инфекција!? Понекогаш ве предупредува дури и пред почетокот на болните симптоми. Тоа би можело да ве спаси од болка, уште пред антибиотиците да почнат да делуваат.
Три знаци на кои морате да обрнете внимание:
Имате чувство дека постојано ви се мочка
Честото одење во тоалет, а притоа не сте пиеле повеќе течности од обично, е знак дека во вашето тело нешто не е како што треба. Овие здодевни симптоми се јавуваат кога иритираниот мускул на мочниот меур има постојани контракции.
Вашата урина не изгледа баш нормално
Дали знаете дека бојата на урината има врска со севкупното здравје. Најздрави сте кога имате светложолта нијанса, тоа значи дека правилно сте хидрирани во текот на денот. Ако забележите дека урината ви е матна, дека содржи траги од крв или е обоена, тоа може да биде еден од првите знаци на уринарна инфекција.
Вашата урина не мириса како што треба
Обележје на уринарната инфекција е урина која не мириса како што треба. Според стручњаците, ако женското тело пати заради уринарни инфекции, урината ќе има силен мирис на риба. Причината зошто урината го има овој мирис е затоа што во текот на инфекциите на уринарниот тракт се создаваат голем број протеини во телото, кои подоцна се излачуваат низ урината и го менуваат мирисот на урината.
