Сега, кога многу луѓе работат од дома повеќе од еден месец, тој новитет почнува да бледее, но може да исплива неговата темна страна – осаменоста.
Осаменоста на работното место може да биде проблем дури и кога работиме во канцеларија, но изненадниот премин на работа од дома, може да го зголеми тој ризик.
“Ако долго сте работеле со луѓе и имате таков тип на работа и се среќавате со луѓето лице в лице и сте навинати на таква работна околина и сега одеднаш работите на далечина со многу малку контакти – тоа навистина создава огромен проблем. Тоа е како престој на далечен остров“, вели Бен Фанинг, психолог.
Дури и кога работите од својот дом, со вашиот партнер и деџа кои трчаат низ дома, се уште може да се чувствувате осамени.
Истражувањата покажуваат дека чувството на осаменост на работа влијае на прдуктивноста и може да стане помалку ефикасна и поради тоа колегите потешко ве контактираат и престануваат да соработуваат со вас.
‘Колку сте поосамени, толку полош ќе работите. Вашата лојалност кон работодавецот е помалку ефикасна“, вели проф. Сигал Барсад, од Универзитетот Пенсилванија.
Таа вели дека со осаменоста почнувате во социјална смисла претерано да реагирате и почнувате да ги губите своите социјални вештини. Се однесувате на начин кој се повеќе ве турка во осаменост.
Почнувате за себе премногу или премалку да зборувате. Осамените работници може претерано да чувствуваат дека се отфрлени од колегите, поради што оставаат впечаток дека им е тешко да им се пристапи, додаваат експертите.
Осаменоста не е карактеристика, тоа е мотивациска состојба како гладта.
‘На ист начин како кога ќе огладниме и треба да јадеме, стануваме осамени и копнееме за социјален контакт. Не сакаме да бидеме сами“, објаснува проф. Барсад.
Стручњаците велат дека овие денови треба да се вложи поголем напор во планирањето на социјалните контакти. Треба да се биде проактивен и да се организираат виртуелни состаноци и телефонски разговори со колегите кои можат да ги заменат оние куси кафиња и среќавања во ходниците на работното место.
