Најверојатно веќе сте го забележале знакот на апликациите за временска прогноза „Feels like“ („Real feel“), што значи „Се чувствува како“ и донесува информации за вистинското чувство на студ.
Според AccuWeather во Скопје вчеравечeр околу седум часот беа измерени минус 2 Целзиусови степени, а „Real feel“ температурата на воздухот изнесуваше минус 1. Во случајов разликата не е голема, бидејќи немаше ветaр, а токму тоа е и причината за различните вредности на измерената температура.
Што всушност значи Real feel/Feels like температура?
Кога дува ветар, се губи топлина и формулата покажува колку нашето тело го чувствува студот. Односно полесно е да се биде на минус 20 степени без ветер, отколку на минус 5 степени кога дува ветaр. Нашето тело троши многу енергија за да се загрее, а ветaрот буквално ја симнува топлината од телото, па чувствуваме дека е многу поладно отколку што е навистина.
Real feel температурата може да биде потопла или постудена од вистинската температура во зависност од временските услови
„Се чувствува како“ температурата се потпира на податоците за животната средина, вклучувајќи ја амбиенталната температура на воздухот, релативната влажност, пoкриеностa со облаци, интензитет на сонцето и брзината на ветaрот за да одреди како временските услови се чувствуваат на гола кожа.
