Бидете внимателни кога се изложувате на сончеви зраци, доколку користите лекови против акни, антибиотици, антихипертензиви или антидепресиви. Одделни лекови кожата ја прават исклучително чувствителна на сончева светлина, па така при изложување на сонце може да се јави алергиска реакција во вид на уртикарија, придружена со чешање, и тоа најчесто во пределот на вратот и на преклопите на рацете и нозете.
Некои антидепресиви и антихистаминици, исто така, го прават телото чувствително на топлина и можат да ги пореметат нормалните процеси на регулирање на телесната температура.
